Idman.biz
İngiltərənin Barnoldsvik şəhərindən olan 65 yaşlı azarkeş Yan Natter sevdiyi komandanın oyunlarını izləmək üçün maraqlı addım atıb.
İdman.Biz xəbər verir ki, azarkeşin maraqlı addımı sosial şəbəkələrdə ictimailəşib.
O, stadionun yaxınlığında yerləşən evinin həyətində altı nəfərlik tribunalı 5 min funt sterlinq xərcləyərək(təxminən 11 min manat) inşa etdirib.
Natterin əsas məqsədi nəvələrinin futbol matçlarını rahat və təhlükəsiz şəkildə izləməsinə şərait yaratmaq olub.
Hazırda Barnoldswick Town İngiltərə futbolunun gücünə görə 9-cu divizionunda mübarizə aparır.
Azarkeş bu qərarı nəvələrinin tez-tez hasardan aşaraq oyunlara baxmağa çalışdığını gördükdən sonra verib.
İndi isə onun altı nəvəsi evlərinin həyətindən sevimli komandalarının matçlarını tribunadan izləyə bilir.
