Sport24.az
"Qəbələ" kimi komandada 250 oyun keçirmək böyük xoşbəxtlikdi. Bu gün uşaqlar qələbə qazanmaqla məni ikiqat sevindirdi. Bu qarşılaşmada 3 xal əldə etməyimiz nəyisə dəyişməsə də, istənilən halda meydandan qalib ayrılmaq xoşdu". Bu sözləri Sport24.az-a açıqlamasında Asif Məmmədov deyib.
Təcrübəli futbolçu meydanda az-az görünməsinə münasibət bildiriməklə yanaşı, İcraiyyə Komitəsinin bu gün keçiriləcək iclası barədə də danışıb: "Az şans qazanmağım zədəylə bağlı deyil. Sadəcə, gənclərə maksimum şans verməklə onların təcrübə toplamağını istəyirik. Bu gün İcraiyyə Komitəsi yığılır. Əvvəl dediyimi yenə təkrar edirəm: idman prinsipinin qorunması başlıca şərt olmalıdı. Amma komanda sayı artacaqsa və elitaya qoşulan klublar bütün standartlara cavab verəcəksə, biz güzəşti haqq etmirik. Yox, "Qəbələ" kimi hər cür imkanlara malik komanda aşağı liqaya yola salınıb, hazırlıqsız, bazasız, infrastruksuz komandalara yer veriləcəksə, bu ədalətli qərar olmayacaq. Klubumuzun infrastruk, akademiya və digər məsələlərlə bağlı şəraiti nəzərə alınmalıdı. Belə komandanı asanlıqla Azərbaycan futbolundan silib atmaq olmaz".
Qeyd edək ki, bölgə təmsilçisi XXIV turdan sonra turnir cədvəlinin sonuncusudu və "qırmızı-qaralar"ın elitanı tərk edəcəyi rəsmiləşib.
POLAD AZƏR
