Idman.biz
Fransanın PSJ futbol klubu yeni mövsüm öncəsi qapı xəttində diqqətçəkən transferə imza atıb.
İdman.Biz xəbər verir ki, Paris təmsilçisi Yaponiyanın milli komandasının qapıçısı Zion Suzukini heyətinə qatıb.
23 yaşlı futbolçu bununla da İtaliyanın "Parma" futbol komandasından ayrılaraq karyerasını Fransa çempionunda davam etdirəcək.
Suzukinin transferi PSJ-nin qapı xəttində rəqabəti daha da artıracaq. Yapon qolkiper son mövsümlərdə "Parma"dakı çıxışı ilə Avropanın aparıcı klublarının diqqətini cəlb edib və Paris klubunun əsas hədəflərindən birinə çevrilib.
Daha əvvəl PSJ-nin futbolçu üçün 35 milyon avro (68 milyon AZN) ödəməyə hazır olduğu bildirilirdi.
