Sport24.az
PSJ 2023/24-cü illər mövsümündə Fransa çempionu olub. Sport24.az xəbər verir ki, bu, turnir cədvəlində ikinci yeri tutan "Monako"nun XXXI tur matçında məğlub olmasından sonra mümkün olub. Komanda "Lion"a 2:3 hesabı ilə uduzub.
Aktivində 70 xal olan PSJ digər klublar üçün əlçatmaz olub. "Monako" turnir cədvəlində 58 xalla ikinci yerdədir. Fransa çempionatının gümüş medalları uğrunda "Brest" (56), "Lill" (55) və "Nitsa" (51) da mübarizə aparırlar.
Luis Enrikenin rəhbərlik etdiyi Paris klubu ardıcıl üçüncü dəfə ölkə çempionatını qazanıb. PSJ-nin aktivində milli çempionatda ümumilikdə 12 qələbə var.
Qeyd edək ki, PSJ ötən mövsüm də Fransa çempionu olmuşdu.
