Sport24.az
"Mövsümdən öncə qarşımıza qoyduğumuz hədəflərə çatdıq". Sport24.az xəbər verir ki, bunu "Qarabağ"ın futbolçusu Olavio Juninyo deyib.
28 yaşlı braziliyalı hücumçu Azərbaycan kubokunun finalında "Zirə"yə 2:1 hesabı ilə qalib gəldiklər matçı dəyərləndirib: "Kubokun və çempionatın qalibi olduq. Çox sevincliyik. Qarşıda təxminən 1 aydan sonra daha nüfuzlu yarış başlayır. Bu yarışlara böyük məsuliyyətlə hazırlaşacağıq".
O, yeni mövsümdə "Qarabağ"da qalib-qalamaması ilə bağlı sualı da cavablandırıb: "Qarabağ"la iki illik müqaviləm var. Gələcəyi müəyyənləşdirmək mənim əlimdə deyil, Allaha məxsusdur. Ona görə sadəcə, istirahət haqqında düşünürəm".
Onun sözlərinə görə, Premyer Liqada titulu qazanandan sonra oyunlara köklənmək asan olmur: "Buna baxmayaraq, baş məşqçimiz həmişə çalışırdı ki, bizə motivasiya versin və oyunlara kökləsin. Mövsümün uğurlu nəticələndiyi üçün çox sevinciliyik".
Qeyd edək ki, finalda da fərqlənən Juninyo 20 qolla Premyer Liqanın bombardiri olub.
