Sport24.az
Səudiyyə Ərəbistanı və MLS klubları "Monako"nun yarımmüdafiəçisi Pol Poqba ilə maraqlanır. Sport24.az xəbər verir ki, bu barədə "L'Equipe" nəşri məlumat yayıb.
Bu həftə "Knyazlıq klubu" yenidən zədələnən 33 yaşlı futbolçu ilə müqaviləni ləğv edə biləcəyi barədə xəbərlər yayılıb.
Mənbənin sözlərinə görə, yarımmüdafiəçinin sağalmasının ABŞ və Səudiyyə Ərəbistanında "transfer pəncərələri" bağlandıqdan sonra (müvafiq olaraq 2 və 10 sentyabr) başa çatacağı gözlənilir ki, bu da Poqbanın transferinə mane ola bilər.
Qeyd edək ki, Poqba 2025-ci ilin yayında "Monako"ya qoşulub. O, ötən mövsüm altı oyunda meydana çıxıb.
