Sport24.az
İspaniya millisinin yarımmüdafiəçisi Pedri dünya çempionatı öncəsi keçirilən hazırlıq matçından sonra jurnalistlərin suallarını cavablandırıb. Sport24.az xəbər verir ki, İspaniya millisinin Perunu 3:1 hesabı ilə məğlub etdiyi oyundan sonra danışan gənc ulduz, komandasının turnirin əsas favoritlərindən biri hesab olunmasına münasibət bildirib:
"Bizi favorit kimi göstərirlər və bunu inkar etmirik. Özümüzü çox yaxşı komanda kimi görürük, amma bunu meydanda sübut etməliyik".
Meksikanın Puebla şəhərində keçirilən qarşılaşmada qollardan birinə imza atan yarımmüdafiəçi bu matçın dünya çempionatına hazırlıq baxımından böyük önəm daşıdığını qeyd edib:
"Bu oyun mundial öncəsi atmosferi hiss etmək üçün yaxşı fürsət idi. Həqiqətən də bu matçı səbirsizliklə gözləyirdim".
Kanarya adalarından olan futbolçu Meksika azarkeşlərinin ona göstərdiyi xüsusi diqqət və dəstəyə də toxunub:
"Meydanda adımı səslədiklərini eşitmək çox xoşdur. Burada mənə bu qədər sevgi olduğunu bilmirdim, bu, həqiqətən də çox xoş hissdir".
Qeyd edək ki, İspaniya millisi dünya çempionatındakı ilk rəsmi matçını iyunun 15-də Atlantada şəhərində Kabo-Verde millisinə qarşı keçirəcək.
