Lent.az
Dortmund "Borussiya"sı və Almaniya milli komandasının müdafiəçisi Niklas Zyule bu mövsümün sonunda peşəkar futboldan ayrılacağını açıqlayıb.
Lent.az xarici mediaya istinadən bildirir ki, 30 yaşlı futbolçu bu qərarı aprel ayında "Hoffenhaym"la oyunda diz zədəsi aldıqdan sonra verib.
Zyulenin sözlərinə görə, oyundan sonra həkimlər onun üçün ciddi psixoloji zərbə olan başqa bir xaçvari bağ yırtığından şübhələniblər.
"Bu yay karyeramı başa vurduğumu elan etmək istəyirəm. Həkimimiz soyunma otağında test apardı, fizioterapevtə baxdı və başını yellədi. Duşa girdim və 10 dəqiqə ağladım, düşündüm ki, "yırtılıb".
Ertəsi gün MRT müayinəsindən keçdim və "xaçların" cırılmadığı barədə xoş xəbər aldım. Amma o zaman hər şeyin bitdiyi min faiz mənə aydın oldu. Normal bir həyat yaşamaq şansını gözləməkdən və "xaçları" üçüncü dəfə cırılmaqdan daha pis bir şey təsəvvür edə bilməzdim", - Zyule deyib.
"Transfermarkt"ın məlumatına görə, alman müdafiəçi karyerası ərzində iki çarpaz bağ yırtığı da daxil olmaqla 31 zədə alıb.
Zyule "Hoffenhaym", "Bavariya" və Dortmund "Borussiya"sının heyətində 299 Bundesliqa oyununda iştirak edib. Münhen klubu ilə beş Bundesliqa titulunu, bir Çempionlar Liqası titulunu və ümumilikdə 14 kuboku qazanıb.
Niklas Zyule Almaniya milli komandasında 49 oyun keçirib.
