"Bizim üçün bu il çox ağır keçdi".
Bunu İdman.bizə "Sabah"ın futbolçusu Nicat Mehbalıyev deyib.
24 yaşlı qolkiper Azərbaycan Premyer Liqasının son turunda "Neftçi" üzərində qazanılan 1:0 hesablı qələbəni şərh edib. Mehralıyevin sözlərinə görə, bir il ərzində komandada bir neçə baş məşqçi dəyişikliyinin olması asan məsələ deyil: "Hər bir cəhətdən əziyyət çəkdik. Hazırda qələbədən dolayı sözlərimi ifadə edə bilmirəm. Çox həyəcanlıyam. Biz meydana yalnız və yalnız qələbə üçün çıxmışdıq. Bu bizim üçün "ölüm-dirim" məsələsi idi. Başqa məsələ barədə düşünmürdük. Ancaq qalibiyyətə fokuslanmışdıq".
O, yeni mövsümdə də müqavilə ilə məxsus olduğu "Sabah"sabahı dəyişmək fikrində deyil: "Başqa yerə getməyi düşünmürəm".
Qeyd edək ki, "Sabah" mövsümü 3-cü pillədə başa vuraraq, Konfrans Liqasına vəsiqə qazanıb.
Banuçiçək Hüseynli
İdman.biz