Idman.biz
Azərbaycan U-21 millisinin hücumçusu, Kiprin "Pafos" futbol komandasında çıxış edən Murad Məmmədov UEFA Avropa Liqasının üçüncü təsnifat mərhələsində meydana çıxıb.
İdman.Biz xəbər verir ki, "Pafos" ilk oyununda səfərdə "Zalsburq"la qarşılaşıb.
Görüş Avstriya klubunun 1:0 hesablı qələbəsi ilə başa çatıb. Bununla da "Pafos" cavab matçı öncəsi minimal fərqlə geri düşüb. Komandalar arasında ikinci qarşılaşma 13 avqustda keçiriləcək.
Murad Məmmədov oyunun 80-ci dəqiqəsində meydana çıxıb.
Məmmədov bundan əvvəl 30 iyulda UEFA Avropa Liqasının ikinci təsnifat mərhələsinin "Hayduk Split"lə cavab görüşündə də meydana çıxıb. Futbolçumuz 82-ci dəqiqədə oyuna qoşulub və qarşılaşmanın sonuna qədər meydanda qalıb.
"Pafos" həmin matçda Xorvatiya təmsilçisini 4:0 hesabı ilə məğlub edib. Kipr klubu ilk görüşdə 0:2 hesabı ilə uduzmasına baxmayaraq, cavab qarşılaşmasındakı böyükhesablı qələbə sayəsində mərhələ adlayıb və "Zalsburq"a rəqib olub.
