Idman.biz
"Benfika"nın baş məşqçisi Joze Mourinyo Çempionlar Liqası matçında 90+8-ci dəqiqədə komandasının həddindən artıq emosional qol sevincinə görə "Real Madrid"in baş məşqçisi Alvaro Arbeloadan üzr istəyib.
İdman.Biz xəbər verir ki, portuqaliyalılar həmin oyunda 4:2 hesablı qələbə qazanıblar.
"Qolu bu şəkildə qeyd etdiyim üçün üzr istəyirəm. Amma Alvaro Arbeloa futbol adamıdır, o, çox yaxşı başa düşür ki, belə bir anda hər şeyi unudursan, Alvaronun öz komandasının ehtiyat oyunçularının əyləşdiyi skamyada sənin yanında oturduğunu unudursan. Mən ondan üzr istədim", - ESPN Mourinyodan sitat gətirib.
"Benfika"nın ukraynalı qapıçısı Anatoli Trubin 90+8-ci dəqiqədə cərimə meydançasından başla vurduğu qolla fərqlənib. Bunun sayəsində Lissabon klubu Çempionlar Liqasının pley-off mərhələsinə yüksəlib.
Həmin anda "Benfika"nın məşqçilər heyəti və əvəzediciləri meydana qaçıblar. Mourinyo özü isə qollarını yelləyərək Alvaro Arbeloanın qarşısında azarkeşlərə işarə verib.
