İdman.biz
Minifutbol üzrə Azərbaycan çempionatında 2023/24 mövsümünün qalibləri mükafatlandırılıb.
İdman.biz xəbər verir ki, əvvəlcə xüsusi nominasiyalar üzrə fərqlənən şəxslərə mükafatlar təqdim olunub.
Çempionatın ən yaxşı qapıçısı Vəli Qafanov ("Birbaşa Bakı") seçilib. Mükafatı "Zirə"nin baş məşqçisi Rəşad Sadıqov təqdim edib.
Çempionatın ən sərrast futbolçusu "Zirə"nin futbolçusu Rəvan Kərimov olub. Mükafatı AFFA-nın icraçı vitse-prezidenti Sərxan Hacıyev verib.
Turnirin ən yaxşı futbolçusu isə çempion komandanın futbolçusu Təmkin Xəlilzadə olub. Mükafatı Azərbaycan Minifutbol Federasiyasının prezidenti Orxan Məmmədov təqdim edib.
Daha sonra medalların sahibləri mükafatlarını əldə ediblər. Bürünc medalın sahibi "Real Bakı"ya mükfatları veteran futbolçular Vaqif Cavadov, İlqar Qurbanov və Gənclər və İdman Nazirliyinin İdman şöbəsinin müdiri Elnur Məmmədov təqdim edib.
Gümüş medalı "Aznur"a AFFA-nın icraçı vitse-prezidenti Sərxan Hacıyev və "Zirə"nin baş məşqçisi Rəşad Sadıqov verib.
Qızıl medalın sahibləri, "Birbaşa Bakı"nı isə AMF-nın prezidenti Orxan Məmmədov və qurumun vitse-prezidenti Taleh Nəsibov təltif edib.
Qeyd edək ki, qalib komandalar yeni mövsümdə müxtəlif turnirlərdə ölkəmizi təmsil edəcək.
Emin Ağa
İdman.biz
