Idman.biz
"Mançester Yunayted"in yarımmüdafiəçisi və kapitanı Brunu Fernandeş karyerasını İtaliyanın "Milan" klubunda davam etdirə bilər.
İdman.Biz "Calciomercato"ya istinadən xəbər verir ki, "rossoneri" rəhbərliyi komandanı tənqid edən açıqlamalarından sonra İngiltərə klubu ilə münasibətləri mürəkkəbləşən 32 yaşlı portuqaliyalının vəziyyətini diqqətlə izləyir.
Fernandeşin transferində "Milan"ın baş məşqçisi Ruben Amorim xüsusi maraqlıdır. Daha əvvəl "Mançester Yunayted"də yarımmüdafiəçi ilə çalışmış portuqaliyalı mütəxəssis həmyerlisi ilə İtaliya klubunda yenidən bir araya gəlmək istəyir.
Fernandeş bu yaxınlarda "Bornmut"la 0:3 hesabı ilə başa çatan qarşılaşmada ehtiyat oyunçular skamyasında qalıb. Bundan əvvəl futbolçu Çempionlar Liqasındakı uğursuz çıxışdan sonra komandanın oyununu açıq şəkildə tənqid etmişdi.
Yarımmüdafiəçinin yanvar transfer pəncərəsində klubdan ayrılmaq imkanını nəzərdən keçirəcəyi istisna olunmur.
Fernandeşin "Mançester Yunayted"lə hazırkı müqaviləsi 2027-ci ilin yayına qədər qüvvədədir. Klubun müqaviləni daha bir mövsüm uzatmaq hüququ var.
Mümkün transferin əsas maneələrindən biri portuqaliyalının vergilər çıxıldıqdan sonra illik təxminən 10,2 milyon avro (təxminən 20,4 milyon manat) təşkil edən yüksək maaşıdır. Bundan əlavə, onun müqaviləsində xarici klublar üçün təxminən 65 milyon avro (təxminən 130 milyon manat) məbləğində sərbəstqalma şərti nəzərdə tutulub.
"Transfermarkt" Fernandeşin bazar dəyərini 35 milyon avro (təxminən 70 milyon manat) qiymətləndirir.
