Sport24.az
Argentina millisinin və "İnter Mayami"nin hücumçusu Lionel Messi DÇ-2026-da mümkün iştirakı ilə bağlı sualı cavablandırıb. Sport24.az xəbər verir ki, 37 yaşlı hücumçu bu turnirdə komandasına kömək edə bilmək üçün formada qalmağa çalışdığını söyləyib:
"DÇ-2026? 2025-ci il təzə başlayıb. Böyük arzu və həvəslə işləyirəm. Ümid edirəm ki, DÇ-2026-yadək özümü yaxşı hiss edəcəyəm və mövsümöncəsi hazırlığı yaxşı keçirə biləcəyəm ki, rəsmi oyunlar üçün əla formada olum".
Qeyd edək ki, Messi Argentina millisi ilə son dünya çempionatının qalibi olub. Forvard həmçinin turnirin ən yaxşı futbolçusu seçilib.
