Report.az
Məşhur futbolçuların instaqram sosial şəbəkəsində reklamlar sayəsində əldə edikləri gəlir bəlli olub.
"Report"un məlumatına görə, bu barədə "Game Set & Match" şirkəti araşdırma aparıb.
Birinci pillədə Səudiyyə Ərəbistanının "Əl-Nəsr" klubunda çıxış edən portuqaliyalı Kriştianu Ronaldu qərarlaşıb. O, bir paylaşımdan 1,4 milyon dollar qazanır.
ABŞ-nin "İnter Mayami" komandasında çıxış edən argentinalı Lionel Messi (1,1 milyon dollar) ikinci, Səudiyyə Ərəbistanı "Əl-Hilal"ına məxsus olan Neymar (615 min dollar) üçüncüdür.
İspaniya təmsilçisi "Real"ın fransalı futbolçusu Kilian Mbappe (383 min dollar) dördüncü yerdədir.
