Idman.biz
"Qalatasaray"ın hücumçusu Mauro İkardi adının son günlərdə transfer iddialarında hallanmasına sərt reaksiya verib və yayılan məlumatların əsassız olduğunu bildirib.
İdman.Biz xəbər verir ki, argentinalı hücumçu nə ona, nə də agentinə kimsənin zəng etmədiyini deyərək, mediada dolaşan xəbərləri "olmayan bir şeyi xəbər kimi satmaq cəhdi" adlandırıb.
O, dünənki məğlubiyyətin gündəmdən yayındırılması üçün belə iddiaların ortaya atıldığını vurğulayıb.
İkardi müqaviləsinin 2026-cı ilin iyununda bitdiyini xatırladaraq müqaviləsi başa çatanda klubdan başı dik şəkildə ayrılacağını bildirib. Hücumçu əlavə edib ki, əgər daha tez ayrılarsa, bu yalnız onun şəxsi qərarı olacaq.
Ulduz futbolçu sonda azarkeşlərə mesaj göndərərək bildirib:
"Məni bir neçə ay daha izləmə şansınız var. Dadını çıxarın, sonra mənim üçün darıxacaqsınız".
