Idman.biz
İngiltərənin "Mançester Siti" futbol komandası Premyer Liqanın altıncı turunda səfərdə "Liverpul"u böyük hesabla məğlub edib.
İdman.Biz xəbər verir ki, "Enfild" stadionunda keçirilən qarşılaşma qonaqların 3:0 hesablı qələbəsi ilə başa çatıb.
İlk hissədə komandalar hesabı aça bilməyiblər. Görüşün taleyini isə ikinci hissədə baş verən hadisələr müəyyənləşdirib.
Matçın 62-ci dəqiqəsində "Liverpul"un yarımmüdafiəçisi Rayan Qravenberx birbaşa qırmızı vərəqə alaraq meydandan kənarlaşdırılıb.
Say üstünlüyü əldə edən "Mançester Siti" üç dəqiqə sonra Erlinq Holandın qolu ilə hesabı açıb. 68-ci dəqiqədə Jeremi Doku fərqi iki topa çatdırıb. Görüşün 78-ci dəqiqəsində isə Rayan Çerki üçüncü qolu vuraraq yekun nəticəni müəyyənləşdirib.
Bu qələbədən sonra "Mançester Siti" xallarının sayını 18-ə çatdıraraq İngiltərə Premyer Liqasının turnir cədvəlində liderliyə yüksəlib. Doqquz xalı olan "Liverpul" isə doqquzuncu pillədə qərarlaşıb.
Növbəti turda oktyabrın 17-də "Mançester Siti" "İpsviç Taun"la, "Liverpul" isə "Brentford"la qarşılaşacaq.
19:29
İngiltərə Premyer Liqasının 2026/2027 mövsümünün altıncı turunda "Kristal Palas" "Nottinqem Forest" futbol komandaları qarşılaşıblar.
İdman.Biz xəbər verir ki, görüş meydan sahiblərinin 3:1 hesablı qələbəsi ilə başa çatıb.
Oyunda hesabı üçüncü dəqiqədə qonaqların futbolçusu Dan Ndoy açıb. 41-ci dəqiqədə Daiçi Kamada bərabərliyi bərpa edib. İlk hissəyə əlavə olunan dördüncü dəqiqədə Cefferson Lerma "Kristal Palas"ı hesabda önə çıxarıb. 59-cu dəqiqədə isə Yeremi Pino görüşün yekun nəticəsini müəyyənləşdirib.
Bu qələbədən sonra "Kristal Palas" yeddi xalla İngiltərə Premyer Liqasının turnir cədvəlində 12-ci pillədə qərarlaşıb. Beş xalı olan "Nottinqem Forest" isə 14-cü yerdədir.
Paralel keçirilən digər qarşılaşmada "Hall Siti" və "Everton" komandaları arasında dörd qol vurulub. Görüş 2:2 hesablı heç-heçə ilə yekunlaşıb.
