Sport24.az
"Nottingem Forest"in yarımmüdafiəçisi Elliot Anderson yay transfer dönəmində İngiltərənin iki nəhəng klubunun diqqət mərkəzinədədir. Sport24.az "The Guardian"a istinadən xəbər verir ki, "Mançester Siti", həm də "Mançester Yunayted" 23 yaşlı futbolçunu heyətinə qatmaq istəyir.
Mənbənin sözlərinə görə, "şəhərlilər" artıq Anderson üçün 80 milyon funt sterlinq məbləğində təklif göndərsə də, "Nottingem" bu təklifi geri çevirib. Klub ingiltərəli yarımmüdafiəçini təxminən 100 milyon funt sterlinqə dəyərləndirir.
"Mançester Yunayted" rəhbərliyi isə yarımmüdafiə xəttini gücləndirmək üçün Elliot Andersonun transferini əsas hədəflərdən biri hesab edir və oyunçunun "Old Trafford"a keçidinə razılıq verəcəyinə inanır.
Qeyd edək ki, Andersonun "Nottingem Forest"lə müqaviləsi 2029-cu ilin yayına qədər nəzərdə tutulsa da, onun bu "transfer pəncərəsi"ndə komandanı tərk edəcəyi gözlənilir.
