Sport24.az
PSJ-nin baş məşqçisi Luis Enrike Paris Paris təmsilçisindəki işi barədə danışıb. Sport24.az xəbər verir ki, ispaniyalı mütəxəssis komanda ilə qazandığı uğurlar haqda bunları deyib:
"Artıq görülən işlər barədə düşünmürəm, diqqətimi indiki vaxta - bugünkü məşqə və qarşıdakı matça yönəltmişəm. Parisdə hər kəs mənə təşəkkür edir, amma bu, mənim işimdir. Belə bir klubu təmsil etmək bizim üçün şərəfdir. Yolumuza davam etməliyik.
Unudulmaz bir il keçirdik. Amma indi yaxşı oynamaq, yaxşı müdafiə olunmaq və düzgün düşüncə tərzini qorumaq vacibdir. Bu, klubumuzun kimliyidir. Uğurlarımız isə meydanda göstərdiyimiz oyunun nəticəsidir".
Qeyd edək ki, PSJ 2025-ci il il ərzində 6 kubok qazanıb. Bunlar Liqa 1, Fransa kuboku, Fransa Superkuboku, Çempionlar Liqası, UEFA Superkuboku və Qitələrarası Kubokdur.
