Idman.biz
Fransa Liqa 1-in 27-ci turu çərçivəsində baş tutan "Marsel" - "Lill" qarşılaşması qonaqların 2:1 hesablı qələbəsi ilə yekunlaşıb.
İdman.Biz xəbər verir ki, matçda hesabı meydan sahibləri açıblar. 43-cü dəqiqədə "Marsel"in yarımmüdafiəçisi İtan Nvaneri fərqlənərək komandasını önə keçirib. Lakin ikinci hissənin startında "Lill" tarazlığı bərpa edib. 49-cu dəqiqədə qonaqların müdafiəçisi Toma Mönye rəqib qapısına yol tapıb. Matçın taleyini isə təcrübəli hücumçu Olivye Jiru həll edib. 86-cı dəqiqədə qol vuran Jiru "Lill"ə vacib üç xal qazandırıb.
Bu qələbədən sonra "Lill" xallarının sayını 47-yə çatdıraraq turnir cədvəlində beşinci pillədə qərarlaşıb. "Marsel" isə 49 xalla üçüncü yerdə qalıb.
Növbəti turda "Lill" aprelin 4-də doğma meydanda "Lans"ı qəbul edəcək. "Marsel" isə bir gün sonra səfərdə "Monako"nun qonağı olacaq.
Paralel keçən "Paris" - "Havr" qarşılaşması ev sahiblərinin 3:2 hesablı qələbəsi ilə başa çatıb.
"Paris"in heyətində Çiro İmmobile və Alimami Qori rəqib qapısına yol tapıblar. Meydan sahiblərinin digər qolunu isə "Havr"ın müdafiəçisi Ayumi Seko öz qapısından keçirib (avtoqol). Qonaqların heyətində isə Rassul Ndiaye və Qodson Kyereme fərqlənsələr də, bu, xal qazanmaq üçün kifayət etməyib.
Matçın 55-ci dəqiqəsindən etibarən "Paris" meydanda azlıqda mübarizə aparmalı olub. Rüdi Matondo birbaşa qırmızı vərəqə alaraq komandasını çətin vəziyyətdə qoysa da, paytaxt təmsilçisi üstünlüyünü qorumağı bacarıb.
Qələbədən sonra "Paris" xallarını 31-ə çatdıraraq 13-cü pillədəki mövqeyini möhkəmləndirib. "Havr" isə 27 xalla rəqibindən bir pillə geridədir.
Günün digər qarşılaşmasında isə "Renn" və "Metz" üz-üzə gəlib. Bu görüşdə qapılara qol vurulmayıb - 0:0.
Oyunun nəticəsi komandaların turnir cədvəlindəki mövqeyinə təsir etməyib. 44 xalı olan "Renn" yeddinci, "Metz" isə 14 xalla sonuncudur.
20:09
Fransa Liqa 1-in 27-ci turu çərçivəsində baş tutan "Lion" - "Monako" matçı qonaqların 2:1 hesablı qələbəsi ilə yekunlaşıb. Meydan sahibləri hesabı açsalar da, üstünlüklərini qoruya bilməyiblər.
İdman.Biz xəbər verir ki, matçda ilk qolu 42-ci dəqiqədə "Lion"un yarımmüdafiəçisi Pavel Şults vurub. Lakin ikinci hissədə təşəbbüsü ələ alan "Monako" 62-ci dəqiqədə Maqnes Akliuşun qolu ilə tarazlığı bərpa edib. Cəmi 10 dəqiqə sonra isə Folarin Baloqun ("Monako") rəqib qapısına yol taparaq komandasını önə keçirib. Oyunun 90-cı dəqiqəsində "Lion"un müdafiəçisi Nikolas Talyafiko qırmızı vərəqə alaraq meydandan qovulub.
Bu qələbədən sonra "Monako" xallarının sayını 46-ya çatdıraraq turnir cədvəlində beşinci pillədə qərarlaşıb. "Lion" isə 47 xalla dördüncü yerdədir. Növbəti turda "Monako" aprelin 5-də doğma meydanda "Marsel"i qəbul edəcək, "Lion" isə həmin gün səfərdə "Anje" ilə qarşılaşacaq.
