Idman.biz
Argentina Futbol Assosiasiyasının (AFA) prezidenti Klaudio Tapia Lionel Messinin milli komandadakı karyerasını başa vurmasının mümkünlüyü barədə fikirlərini bölüşüb.
İdman.Biz bu barədə xarici mətbuata istinadən məlumat verir.
Tapia bildirib ki, bu, tamamilə Messinin şəxsi qərarıdır və futbolçuya seçim etmək üçün vaxt verilməlidir:
"Bu, sırf onun şəxsi qərarıdır. Biz onu rahat buraxmalıyıq. 2022-ci ildə onun 2026-cı ildə oynayıb-oynamayacağını bilmirdik. O demişdi ki, matçdan-matça irəliləmək lazımdır. Düşünürəm ki, dünya çempionatında biz Leonun əla, hətta ən yaxşı versiyalarından birini gördük.
Biz ona futboldan zövq almağa davam etməyə imkan verməliyik. Daha sonra isə düzgün hesab etdiyi qərarı verməsi üçün ona şərait yaratmalıyıq".
Tapia Messinin 2026-cı il dünya çempionatındakı çıxışını da yüksək qiymətləndirib.
"Leo üçün möhtəşəm dünya çempionatı oldu. Biz ondan böyük zövq aldıq və özümüzlə fəxr etməliyik. Mən hər anından zövq aldım. Şübhəsiz ki, o, dünya çempionatında bu komandanın lideri idi. Onun çıxışını təhlil etsək, mənim üçün o, ən yaxşı futbolçu idi. O, hər oyunda rekordlar qırırdı".
Xatırladaq ki, daha əvvəl Messinin Argentina millisində bir daha meydana çıxmaya biləcəyi barədə məlumatlar yayılıb. Lakin argentinalı futbolçu özü gələcəyi ilə bağlı hələlik hər hansı açıqlama verməyib.
