Sport24.az
"Qalatasaray"ın vingeri Leroy Sane Çempionlar Liqasının 8-ci turunda "Mançester Siti" ilə qarşılaşacaqları oyundan əvvəl İngiltərə təmsilçisinin baş məşqçisi Xosep Qvardiolanın rəhbərliyi altında oynadığı dönəmi yada salıb. O, bununla bağlı "BBC"yə açıqlama verib:
"Pep tamamilə fərqli bir idman növü yaradır. Onun taktiki tələbləri güzəştsizdir, amma o, məni təkcə məşq etdirmədi, həm də inkişafıma yardım etdi. Onun rəhbərliyi altında mən təsəvvür edə biləcəyimdən daha çox yönlü oyunçu oldum.
Qvardiola müasir futbolun baş memarıdır. O, mənim futbol beynimi tamamilə yenidən proqramlaşdırdı".
Qeyd edək ki, "Qalatasaray" bu gecə səfərdə "mançester Siti" ilə qarşılaşacaq. Oyunun start fiti saat 00:00-da səslənəcək.
