La Liqada "Real Madrid" "Elçe"ni məğlub edib, "Atletiko", "Jirona" və "Ovyedo" da qələbə qazanıb

İspaniya La Liqa mövsümünün 28-ci turunun "Real Madrid" və "Elçe" komandaları arasında keçirilən oyun başa çatıb. Matç "Santyaqo Bernabeu" stadionunda (Madrid, İspaniya) baş tutub. Ev sahibi komandanın oyunçuları 4:1 hesablı qələbə qazanıblar.

"Real Madrid"in müdafiəçisi Antonio Rüdiger matçın ilk qolunu 39-cu dəqiqədə vurub. Yarımmüdafiəçi Federiko Valverde 45-ci dəqiqədə "Los Blancos"un üstünlüyünü ikiqat artırıb. 66-cı dəqiqədə müdafiəçi Din Heysen "Elçe"ni üçüncü dəfə mərkəzə dəvət edib. 85-ci dəqiqədə Manuel Moran öz qapısına qol vurub – 3:1. 89-cu dəqiqədə isə Arda Gülər "Elçe"nin qapısına dördüncü qolu vuraraq hesabı 4:1 edib.

İspaniya liqasında 28 oyundan sonra "Real Madrid"in 66 xalı var və turnir cədvəlində ikinci yerdədir. "Elçe" 26 xalla 17-ci yerdədir.

23:37

İspaniya La Liqasının 28-ci turunun "Ovyedo" və "Valensiya" arasında keçirilən oyun başa çatıb. Oyun "Nuevo Karlos Tartiere" stadionunda (Ovyedo, İspaniya) baş tutub. Ev sahibi komandanın oyunçuları 1:0 hesablı qələbəni qeyd ediblər.

"Ovyedo"nun müdafiəçisi David Kostas matçın yeganə qolunu 30-cu dəqiqədə vurub.

İspaniya liqasında 28 oyundan sonra "Valensiya"nın aktivində 32 xal var və turnir cədvəlində 13-cü yerdədir. "Ovyedo" isə 21 xalla sonuncu yerdədir.

21:45

İspaniya La Liqasının 28-ci turunun "Atletiko Madrid" və "Xetafe" arasında keçirilən oyun başa çatıb.

Oyun İspaniyanın Madrid şəhərindəki "Civitas Metropolitano" stadionunda baş tutub. Ev sahibi komanda 1:0 hesablı qələbəni qeyd edib.

"Atletiko"nun müdafiəçisi Nahuel Molina oyunun yeganə qolunu səkkizinci dəqiqədə vurub.

İspaniya liqasında 28 oyundan sonra "Atletiko Madrid" 57 xalla turnir cədvəlində üçüncü yerdədir. "Xetafe" 35 xalla doqquzuncu yerdə qərarlaşıb.

19:11

İspaniya La Liqasının 28-ci turunun "Jirona" və "Atletik Bilbao" komandaları arasında keçirilən oyun başa çatıb.

İdman.Biz xəbər verir ki, oyun "Estadio Municipal de Montilivi"də (Jirona, İspaniya) baş tutub. Meydan sahibləri 3:0 hesablı qələbə qazanıblar.

"Jirona"nın müdafiəçisi Uqo Rinkon matçın ilk qolunu dördüncü dəqiqədə vurub. 77-ci dəqiqədə yarımmüdafiəçi Azzedin Unai ev sahibi komandanın üstünlüyünü ikiqat artırıb. "Jirona"nın yarımmüdafiəçisi Klaudio Eçeverri 90+2-ci dəqiqədə qol vuraraq hesabı 3:0 edib.

İspaniya liqasında 28 oyundan sonra "Atletik Bilbao" 35 xala malikdir və turnir cədvəlində 10-cu yerdədir. "Jirona" 34 xalla 11-ci yerdədir.