Idman.biz
İspaniya La Liqasının 24-cü turunun "Real Madrid" və "Real Sosyedad" komandaları arasında keçirilən oyunu madridlilərin 4:1 hesablı qələbəsi ilə başa çatıb.
İdman.Biz bildirir ki, komandalar "Santyaqo Bernabeu" stadionunda (Madrid, İspaniya) oynayıblar.
"Real Madrid"in hücumçusu Qonzalo Qarsiya hesabı beşinci dəqiqədə açıb. Qonaq hücumçu Mikel Oyarsabal 21-ci dəqiqədə penaltidən qolla bərabərlii bərpa edib. "Los Blancos"un cinah oyunçusu Vinísius Júnior 25-ci dəqiqədə penaltidən dəqiq zəbə ilə komandasına üstünlük qazandırıb. Yarımmüdafiəçi Federiko Valverde 31-ci dəqiqədə "Real Sosyedad"ınqapısına üçüncü qolu vurub, Vinisius Junior isə ikinci hissənin əvvəlində ikinci qolunu vuraraq matçdakı ikinci penaltisini qola çevirib.
24 La Liqa oyunundan sonra "Real Madrid" 60 xala malikdir və turnir cədvəlinə başçılıq edir. "Real Sosyedad" 31 xalla səkkizinci yerdədir.
23:50
La Liqanın 24-cü turunun "Sevilya" və "Alaves" komandaları arasında keçirilən oyunu başa çatıb.
Komandalar İspaniyanın Sevilya şəhərindəki "Ramón Sánchez Pizjuán" stadionunda qarşılaşıblar. Oyun 1:1 hesablı heç-heçə ilə başa çatıb.
"Sevilya"nın yarımmüdafiəçisi Cibril Sou oyunun ilk qolunu 42-ci dəqiqədə vurub. 60-cı dəqiqədə qonaq hücumçu Toni Martinez cavab qolunu vuraraq hesabı 1:1 edib.
La Liqanın 24 oyunundan sonra "Sevilya" 26 xalla 12-ci yerdədir. "Alaves" isə 26 xalla 13-cü yerdədir.
21:59
İspaniya La Liqasının 24-cü turunun "Xetafe" və "Vilyarreal" komandaları arasında keçirilən oyun başa çatıb. Komandalar İspaniyanın Xetafe şəhərindəki "Kolizey" stadionunda qarşılaşıblar. Ev sahibi komandanın oyunçuları 2:1 hesablı qələbəni qeyd ediblər.
"Xetafe"nin yarımmüdafiəçisi Mauro Arambari 41-ci dəqiqədə penaltidən matçın ilk qolunu vurub. 53-cü dəqiqədə hücumçu Martin Satriano ev sahibi komandanın üstünlüyünü ikiqat artırıb. 76-cı dəqiqədə hücumçu Jorj Mikautadze qollardan birinin əvəzini çıxıb.
23 La Liqa oyunundan sonra "Vilyarreal"ın aktivində 45 xalı var və turnir cədvəlində dördüncü yerdədir. "Xetafe"nin aktivində 24 oyundan sonra 29 xalı var və 10-cu yerdədir.
20:14
"Espanyol" La Liqanın 24-cü turunda "Selta Viqo" ilə 2:2 hesablı heç-heçə edib.
Hücumçu Ferran Jutqla 38-ci dəqiqədə qonaqları hesabda irəli çıxarıb. 67-ci dəqiqədə hücumçu Kike bərabərlik qolunu vurub, 86-cı dəqiqədə isə ev sahibi komanda Tayris Dolanın qolu sayəsində hesabda irəli çıxıb. Borxa İqlesias 90-cı dəqiqədə Viqo komandasına heç-heçə qazandırıb.
Bu oyundan sonra "Espanyol" (35) altıncı, "Selta" (34) isə yeddinci yerdədir.
