Sport24.az
"Liverpul"un yarımmüdafiəçisi Kodi Qakponu "Tottenhem", "Aston Villa" və Madrid "Atletiko"sunun maraq dairəsindədir. Sport24.az xəbər verir ki, bu barədə "TEAMtalk" məlumat yayıb.
Mənbənin sözlərinə görə, 27 yaşlı niderlandlı əsas heyətdəki yerini itirərsə, "Enfild"dən ayrılmağa hazırdır.
"Qırmızılar" həmçinin Qakponu "Leypsiq"in yarımmüdafiəçisi Yann Diomande ilə mübadilə müqaviləsinə daxil etməyə hazırdır. Yann Diomande Məhəmməd Salahın potensial varisi kimi tanınır.
Qakpo 2023-cü ilin yanvar ayından "Liverpul"da oynayır və onun müqaviləsi 2030-cu ilin iyununa qədərdir.
Qeyd edək ki, yarımmüdafiəçi 2025/26 mövsümündə 52 matçda 9 qol vurub və 6 məhsuldar ötürmə edib. "Transfermarkt" portalı onun transfer dəyərini 60 milyon avro qiymətləndirir.
