Idman.biz
"Dünənki oyun bizim üçün yaxşı olmadı, amma Çempionlar Liqası ilə bağlı hər kəs xoşbəxtdir".
İdman.Biz xəbər verir ki, bu sözləri "Liverpul"la oyundan sonra Bakıya qayıdan "Qarabağ"ın müdafiəçisi Kevin Medina hava limanında jurnalistlərə açıqlamasında deyib.
Kolumbiyalı müdafiəçi pley-off mərhələsindəki potensial rəqiblərlə bağlı fikirlərini də bölüşüb:
"Bu, tarixdir və indi "Qarabağ" yoluna davam etməlidir. İndi play-off mərhələsini gözləyirik və gələcəkdə hər şeyin yaxşı olacağını düşünürəm. Futbolda hər şey baş verir. Artıq diqqətimizi çempionata yönəltməliyik. Gələcəkdə nə olacağını görəcəyik".
Qeyd edək ki, "Qarabağ" liqa mərhələsinin son turunda İngiltərədə "Liverpul"a 0:6 hesabı ilə uduzub. Böyükhesablı məğlubiyyətə baxmayaraq, turnir cədvəlini 10 xalla 22-ci pillədə başa vuran "Qarabağ" növbəti raunda vəsiqə qazanıb. Bununla da "köhlən atlar" Çempionlar Liqasında pley-off mərhələsinə yüksələn ilk Azərbaycan klubu olub.
