Sport24.az
"Rəşad Sadıqov çox hörmət etdiyim gənc mütəxəssislərimizdəndi. Onun komandası bu il çox yaxşı mübarizə apardı. Rəşadın futbol fəlsəfəsi sayəsində "Zirə" ağıllı futbol sərgiləyir". Bu sözləri Sport24.az-a açıqlamasında Kazbek Tuayev deyib.
Azərbaycan Kubokunun finalı ərəfəsində şansları dəyərləndirən təcrübəli mütəxəssis bunları söyləyib: " "Zirə"nin "gümüş"ü rəsmiləşdirməmişdən 2 ay əvvəl Rəşadla görüşüb söhbət etmişdik. Ona dedim ki, sənin komandanın gümüş medal qazanacağına inanıram. Qəsəbə təmsilçisi mövsümdə hər iki cəbhədə layiqincə mübarizə apardı. "Zirə"nin ölkə kubokunda da uğur qazanmasını istəyirəm. Amma "Qarabağ"ın gücü, heyətindəki oyunçuların səviyyəsi hamıya yaxşı bəllidi. Ona görə də həlledici qarşılaşmdan öncə kimin qalib olacağını söyləmək çətindi. Bu gün bizi maraqlı qarşıdurma gözləyəcək. Güclü və layiq olan qalib gəlsin".
Qeyd edək ki, Azərbaycan Kubokunun finalı Mərdəkandakı "Liv Bona Dea Arena"da baş tutacaq. Oyunun start fiti saat 20:00-da səslənəcək.
ABDULLA İSMAYILOĞLU
