Sport24.az
"Neftçi" başa çatan mövsümdə bərbad çıxış etdi. Komandanın uğur qazanması üşün hər cür şəraiti, maliyyə dayağı var. "Neftçi" kimi komanda hər il çempionluğa oynamalıdı". Bu sözləri Sport24.az-a açıqlamasında Kazbek Tuayev deyib.
Tuayevin fikrincə, çempionatın boşa verilməsinin kökündə heyətin zəif olması durur: "Reallıq odur ki, Emin Mahmudovdan başqa digər oyunçuların səviyyəsi aşağıdı. Kapitan çox çalışsa da, təkbaşına heç nə edə bilmədi. İndiki rəhbərlik mövsümlərarası fasilədə heyəti yenidən qurmalı, düşərgəyə keyfiyyətli futbolçular cəlb etməlidi. Bir də ən əsası, komandaya dəvət olunan legionerlərə hansı kluba gəldiklərini anlatmaq lazımdı. Tarixi ənənəsi olan "Neftçi"ni bu günə salmaq olmaz. Ümid edirəm ki, "ağ-qaralar"ın rəhbərliyi fiaskodan nəticə çıxarıb gələn mövsüm üçün çempionluğa oynaya biləcək kollektiv formalaşdıracaq".
Qeyd edək ki, "Neftçi" başa çatan mövsümü 5-ci pillədə başa vurmaqla avrokuboklardan kənarda qalıb.
ABDULLA İSMAYILOĞLU
