"Qarabağ"ın futbolçusu Maksim Medvedev karyerasını bitirəcək.
İdman.biz xəbər verir ki, 35 yaşlı futbolçu Azərbaycan kubokunun finalında sonuncu dəfə komandanın formasını geyinəcək.
Oyundan əvvəl komandanın kapitanı mükafatlandırılıb. "Qarabağ"ın rəhbərliyi ona klubda keçirdiyi oyun sayına (552) uyğun olaraq xatirə forması təqdim edib.
Qeyd edək ki, 2006-cı ildən "Qarabağ"ın formasını geyinən Maksim 10 dəfə Azərbaycan çempionu olub.
İdman.biz