Sport24.az
"Ayxan müəllim həvəskar səviyyəsində olan komandanı peşəkar kluba çevirdi. Gerdiə qalan 2 ildə onun necə məşqçi olduğunu Tovuz azarkeşləri gördü. Biz futbolçular da Ayxan müəllimin hansı çətinliklər və əziyyətlərlər bahasına komanda yaratdığının şahidiyik". Bu sözləri Sport24.az-a açıqlamasında "Turan Tovuz"un kapitanı Kamal Bayramov deyib.
Təcrübəli qapıçı gələcək planları barəsində də danışıb: "Məni və bir çox yerli oyunçuları Ayxan müəllim komandaya dəvət etmişdi. "Turan Tovuz"la müqaviləmin müddəti başa çatıb. Yeni anlaşma barədə müzakirə aparmadan komandadan gedəcəyimi bildirdim. Digər komanda yoldaşlarıma gəlincə, hər kəs qərar verməkdə müstəqildi. Qalmaq istəyən qalacaq, getmək istəyən gedəcək".
Qeyd edək ki, 38 yaşlı qolkiper gerdiə qalan mövsümdə Tovuz təmsilçisinin heyətində ümumilikdə 7 oyuna çıxıb və qapısında11 qol görüb.
