Sport24.az
İtaliya kubokunda 2023/2024 mövsümünün qalibi bəlli olub. Sport24.az xəbər verir ki, həlledici matçda "Atalanta" və "Yuventus" qarşılaşıblar.
Romanın "Olimpiko" stadionunda keçirilən qarşılaşmanın taleyini 1 qol həll edib. "Yuventus"un serbiyalı forvardı Duşan Vlahoviç 4-cü dəqiqədə hesabı açıb. Bununla da Turin klubu tarixində 15-ci dəfə İtaliya kubokunu baş üzərinə qaldırıb.
"Atalanta"nın isə 61 illik kubok həsrəti bitməyib. İlk dəfə 1963-cü ildə turnirin qalibi olan Berqamo təmsilçisi sonrakı 5 finalda uduzub. Komanda 2021-ci ildə də finalda "Yuventus"a məğlub olub.
İtaliya kuboku
Final
"Atalanta" – "Yuventus" 0:1
