Idman.biz
Argentina futbol millisinin yarımmüdafiəçisi Leandro Paredes DÇ-2026-nın İspaniyaya qarşı finalından sonra meydanda baş verən qarşıdurmanın əsas iştirakçılarından biri olub.
İdman.Biz xəbər verir ki, final fitindən sonra İspaniyanın ehtiyat oyunçuları qələbəni qeyd etmək üçün meydana daxil olublar. Bu zaman Paredes İspaniya millisinin yarımmüdafiəçisi Qavini itələyərək yerə yıxıb. Hadisədən sonra hər iki komandanın futbolçuları arasında qısa müddətli dava düşüb.
Argentina millisinin baş məşqçisi Lionel Skaloni müdaxilə edərək tərəfləri sakitləşdirməyə çalışıb. Qarşıdurma böyümədən komanda üzvləri tərəfindən dayandırılıb.
İspaniya finalda Argentinanı əlavə vaxtda 1:0 hesabı ilə məğlub edərək tarixində ikinci dəfə dünya çempionu olub. Görüşün yeganə qolunu 106-cı dəqiqədə meydana sonradan daxil olan Ferran Torres vurub. Argentina 90+3-cü dəqiqədə Enzo Fernandezin meydandan qovulmasından sonra matçı azlıqda başa vurub.
