Idman.biz
"Liverpul" və "Brayton" arasında keçirilən İngiltərə Kubokunun 1/16 mərhələsinin matçı başa çatıb.
İdman.Biz bildirir ki, mersisaydlılar 3:0 hesabı ilə qalib gəliblər. Oyun Liverpuldakı "Enfild" stadionunda keçirilib.
42-ci dəqiqədə Kertis Cons hesabı açaraq mersisaydlılara üstünlük qazandırıb. Dominik Şoboslai 56-cı dəqiqədə komandasının üstünlüyünü ikiqat artırıb, Məhəmməd Salah isə 68-ci dəqiqədə penaltidən dəqiq zərbə ilə yekun hesabı müəyyən edib.
Titulun hazırkı sahibi finalda "Mançester Siti"ni 1:0 hesabı ilə məğlub edən "Kristal Palas"dır.
23:55
"Aston Villa" və "Nyukasl Yunayted" arasında keçirilən İngiltərə Kubokunun 1/16 mərhələsinin matçı başa çatıb.
"Sağsağanlar" 3:1 hesabı ilə qalib gəliblər. Oyun Birminhemdəki "Villa Park"da keçirilib.
Temmi Abraham 14-cü dəqiqədə ev sahibi komandanı irəli çıxarıb. Sandro Tonali 63-cü dəqiqədə bərabərlik qolunu vurub, daha sonra 76-cı dəqiqədə ikinci qoluna imza atıb. Nik Voltemade 88-ci dəqiqədə qonaqların üçüncü qolunu vurub.
Beləliklə, "Nyukasl" 1/8 finala vəsiqə qazanıb.
"Nyukasl" Çempionlar Liqasının pley-off mərhələsində "Qarabağ"ın rəqibidir. Komandalar arasında oyunlar 18 və 25 fevralda olacaq.
21:06
İngiltərə Kubokunun 1/16 finalında "Mançester Siti" və "Salford Siti" arasında keçirilən oyun başa çatıb.
İngiltərə Premyer Liqa komandası 2:0 hesabı ilə qalib gəlib. Oyun Mançesterdəki "Etihad" stadionunda baş tutub.
Alfi Dorrinqton altıncı dəqiqədə avtoqola imza atıb, Mark Qehi isə 81-ci dəqiqədə komandasının ikinci qolunu vurub.
1/16 final mərhələsinin digər oyununda gözlənilməz nəticə alınıb. Üçüncü divizionun komandası olan "Mensfild Taun" səfərdə "Bernli"ni məğlub edib – 2:1.
"Norviç Siti" – "Vest Bromviç Albion" qarşılaşması ilə 3:1 hesabı ilə birincilərin qələbəsi ilə bitib.
"Sauthempton" isə əlavə vaxtda "Lester Siti"ni 2:1 hesabı ilə məğlubiyyətə uğradıb.
19:57
İngiltərə Kubokunun 1/16 final mərhələsinin "Berton Albion" və "Vest Hem Yunayted" komandaları arasında keçirilən oyunu başa çatıb.
Matç qonaqların minimal hesablı (0:1) hesablı qələbəsi ilə bitib.
Summervill "Vest Hem"in yeganə və qələbə qolunu 95-ci dəqiqədə vurub.
Qısa müddət sonra Potts meydandan qovuldu və Premyer Liqa komandası on nəfərlə qaldı, lakin rəqibləri bu üstünlükdən yararlana bilmədilər və nəticədə turnirdən kənarlaşdırıldılar.
