Sport24.az
"İmişli"nin 2026/2027 mövsümündə ev oyunlarını keçirəcəyi stadion hələlik dəqiqləşib. Bu barədə məlumatı Sport24.az-a açıqlamasında "Karvan-Yevlax" klubunun icraçı direktoru Elvin Əjdərli verib.
Futbol funksioneri bölgə təmsilçisinin yeni mövsümdə Yevlax şəhər stadionundan istifafə edəcəyini bildirib:
"İmişli" klubu ilə ilkin danışıqlar olub və demək olar ki, ortaq məxrəcə gəlmişik. Bununla belə, hesab edirik ki, bu məsələ ilə bağlı rəsmi açıqlamanın ilk olaraq "İmişli" klubu tərəfindən verilməsi daha məqsədəuyğundur. Həmin açıqlamadan sonra biz də əməkdaşlıqla bağlı ictimaiyyətə ətraflı məlumat təqdim edəcəyik".
Qeyd edək ki, "İmişli" ötən mövsüm ilk iki turda rəqiblərini Şamaxı şəhər stadionunda, daha sonra Quba Olimpiya Kompleksinin stadionunda qəbul edib.
