Sport24.az
Bu gün Premyer Liqada XIX tura yekun vurulacaq. Sport24.az xəbər verir ki, günün ilk matçı bölgədə baş tutacaq.
Qərb derbisində "Kəpəz" "Turan Tovuz" u qəbul edir. Dünən "Araz-Naxçıvan"ı məğlub edən "Zirə" turnir cədvəlində "boz qurd"ları qabaqlayaraq 3-cü pilləyə yüksəlib. Yenidən əvvəlki mövqeyinə qayıtmaq üçün Kurban Berdıyevin komandasına qələbə lazımdı. "Kəpəz" də meydana xal və ya xallar üçün çıxacaq. "Səbail" hesabat turunda aktivinə 3 yazdırdığından "sarı-göylər" artıq sonuncu pilləyə yuvarlanıb.
Qeyd edək ki, oyunun start fiti saat 16:00-da səslənəcək.
Misli Premyer Liqası
III dövrə, XIX tur
16:00. "Kəpəz" - "Turan Tovuz"
Hakimlər: Rəvan Həmzəzadə, Cəmil Quliyev, Şirmamed Mamedov, Əli Əliyev
VAR: Rauf Cabarov
AVAR: Rəhman İmami
Hakim-inspektor: Asim Xudiyev
AFFA nümayəndəsi: Mübariz Hüseynov
Tovuz şəhər stadionu
