Idman.biz
Bosniya və Herseqovina millisini DÇ-2026-ya yüksəldən həlledici penaltini qol edən Esmir Bayraktareviçin illər əvvəl çəkilmiş görüntüləri sosial şəbəkələrdə gündəm olub.
İdman.Biz xəbər verir ki, gənc ulduzun 16 il əvvəlki halı onun xəyallarının necə gerçəkləşdiyini nümayiş etdirib.
Futbolçunun hələ beş yaşında olarkən futbol əfsanəsi Edin Cekonun formasında top qovduğu anın fotosu yayılıb. Həmin vaxt sadəcə bir azarkeş olan balaca Esmirin illər sonra idolunun yolunu davam etdirərək ölkəsini dünya çempionatına aparması "nağıl kimi sonluq" adlandırılıb.
Pley-off matçında soyuqqanlılığı ilə seçilən Bayraktareviç vurduğu qolla Bosniya və Herseqovinanın qəhrəmanına çevrilib.
