Sport24.az
"Növbəti mövsümdən də komandanın "sükanı arxasında" mən olacam. Məqsədimiz, iddiamız da sabit olaraq qalır. Gələn mövsüm çempionluq üçün mübarizə aparacağıq". Bu sözləri Sport24.az-a açıqlamasında MOİK-in baş məşqçisi Qəzənfər Abbasov deyib.
Gənc mütəxəssis ordu klubunun gələn mövsüm üçün hazırlıq və transfer çalışmalarından da danışıb: "Komandadan 13 futbolçu ilə yollarımızı ayırmışıq. Gedənlərin yerinə yeni oyunçular cəlb edəcəyik. Hazırda danışıq apardıqlarımız var. Onların bəziləriylə ilkin razılığa gəlsək də, rəsmi müqavilə bağlamamışıq. Düşünürəm ki, bu ay ərzində bizə gərəkli futbolçuların keçidini həll edəcəyik".
Qeyd edək ki, I Liqada mübarizə aoaran MOİK 2023/24 mövsümünü 3-cü pillədə başa vurub.
