Idman.biz
"Bavariya"nın hücumçusu Harri Keyn 2026/2027 mövsümünün ilk 13 oyununda məhsuldar ötürmələrinin sayına görə ötən mövsümdəki nəticəsini geridə qoyub.
İdman.Biz "Opta"ya istinadən xəbər verir ki, ingiltərəli futbolçu cari mövsümdə Münhen klubunun heyətində keçirdiyi 13 rəsmi qarşılaşmada səkkiz məhsuldar ötürmə ilə yadda qalıb.
Keyn 2025/2026 mövsümündə isə "Bavariya"nın heyətində 51 oyuna çıxaraq yeddi assist etmişdi.
Hücumçu son məhsuldar ötürməsini Bundesliqanın səkkizinci turunda "Borussiya Dortmund"la keçirilən qarşılaşmada (2:2) verib. Onun ötürməsindən sonra Dayo Upamekano 66-cı dəqiqədə fərqlənərək Münhen təmsilçisini hesabda önə çıxarıb.
Beləliklə, Keyn ötən mövsümün ümumi göstəricisini təkrarlamaqla kifayətlənməyib, onu artıq bir məhsuldar ötürmə üstələyib.
