Sport24.az
FİFA qadın milli komandalarından məşqçi heyətində qadınların da yer almasını tələb edir. Sport24.az xəbər verir ki, bu barədə ali futbol qurumunun rəsmi saytı məlumat yayıb.
Bu qərar təşkilatın Şurasında qəbul edilib. Sentyabr ayında keçiriləcək 20 yaşadək futbolçular arasında dünya çempionatından başlayaraq komandaların məşqçi heyətində ən azı iki qadının olması tələb olunacaq ki, bunlardan ən azı biri baş məşqçi və ya köməkçi məşqçi olmalıdır.
Dəyişikliklər tibb işçilərinin və milidə çalışan digər nümayəndələrinin gender tərkibinə də təsir edəcək.
Qayda 2027-ci il dünya çempionatı və klub yarışlarına da şamil ediləcək.
FİFA qadın məşqçi heyətinin inkişaf tempini qeyri-qənaətbəxş hesab edib. 2023-cü ildə keçirilən dünya çempionatında yarışan 32 komandadan yalnız 12-nin baş məşqçisi qadın olub. 14 millidə isə qadınlar köməkçi-məşqçi funksiyasını yerinə yetiriblər. Altı komandada - Argentina, Kolumbiya, Fransa, Haiti, Mərakeş və Filippində ümumiyyətlə qadın məşqçi olmayıb.
