Sport24.az
FIFA "Benfika"nın vingeri Canluka Prestianninin diskvalifikasiyasını öz himayəsi altında olan bütün turnirlərə şamil edib. Sport24.az xəbər verir ki, bu barədə jurnalist Rob Harris özünün "X" sosial media səhifəsində paylaşım edib.
Buna görə də Prestianni Argentina milli komandasına çağırılarsa, dünya çempionatının ilk iki oyununu buraxacaq.
Qeyd edək ki, "Benfika"nın oyunçusu Çempionlar Liqasının matçında "Real"ın hücumçusu Vinisius Juniora qarşı ayrı-seçkilik davranışına görə UEFA tərəfindən altı oyunluq diskvalifikasiya edilib (bunlardan üçü iki illik sınaq müddəti ilə diskvalifikasiya edilib).
Daha sonra qitə futbol qurumu FİFA-dan diskvalifikasiyanın bütün turnirlərə şamil edilməsini istəyib.
