Sport24.az
"Matça yaxşı başlamışdıq. Ardınca standart vəziyyətdən qapımızda qol gördük. İkinci yarıda topla daha çox oynayan tərəf idik, amma bəxtimiz gətirmədi". Sport24.az xəbər verir ki, bu sözləri "Qarabağ"ın qapıçısı Fabian Buntiç jurnalistlərə açıqlamasında deyib.
Qolkiper Bakıda Rumıniyanın FCSB komandasına 2:3 hesabı ilə uduzduqları matçla bağlı fikirlərini bölüşüb:
"Ümumiyyətlə rəqib standart vəziyyətlərdən yaxşı yararlanmağı bacardı. Heyətdə itkimiz də var idi. Ancaq bu gün gördük ki, biz Juninyo və Benzia olmadan da oynaya bilirik. Biz qələbəyə rəqibdən daha çox yaxın idik. Lakin onlar xırda səhvlərimizdən yararlandılar".
Qeyd edək ki, bu məğlubiyyətdən sonra Ağdam klubu Avropa Liqasında növbəti mərhələyə yüksəlmək şansını itirib.
