Sport24.az
"Neftçi"nin müdafiəçisi Ervin Koffi Sport24.az-a müsahibə verib. "Ağ-qaralar"ın fransalı legioneri həm "Kəpəz"lə oyunu dəyərləndirib, həm də "Neftçi"dəki durumu barədə danışıb.
- Doğma meydanda "Kəpəz" üzərində böyük hesablı qələbə qazandız. Oyunla bağlı fikirlərin maraqlıdı...
- Bizim üçün yaxşı matçı oldu. Çoxsaylı qol imkanlarımızı oldu ki, onlardan beşini dəyərləndirdik. 3 xala çox ehtiyacımız var idi. Qələbə qazanmağımıza sevinirəm.
- Öz çıxışını dəyərləndirərdin...
- Peşəkar futbolçuyam, üzərində daim işləyirəm. Oran-burdan eşidirəm ki, artıq çəkidən əziyyət çəkirəm. Söylənilənlər yalandı. Artıq çəkidən əziyyət çəkmirəm. Fikrimcə, normal çıxış edirəm. Təbii ki, daha da yaxşı olmalıyam və bunun üçün çalışıram. Odur ki, heç bir problem yoxdu. Hər şey qaydasındandı.
- Çempionluğu əldən verməklə yanaşı, hələ də avrokuboklara vəsiqəni təmin etməmisiz. Qitəmiqyaslı turnirlərddən kənarda qalsaz bunu faciə kimi qəbul etmək olar?
- Avrokuboklara vəsiqə qazana bilməmək haqqında düşünmürük. Ümumiyyətlə, mənfi enerjini üzərimizdən maksimum uzaq etməyə çalışırıq. Hələ heç nə bitməyib, mübarizə davam edir. Qarşıda daha iki tur var. Odur ki, bizi ağır 180 dəqiqə gözləyir və bu sınaqdan üzüağ çıxmalıyıq.
- "Neftçi"də Adrian Mutu dönəmi oldu, hazırda isə komandaya Miodraq Bojoviç rəhbərlik edir. Bu iki baş məşqçini necə xarakterizə edərdin?
- Hər iksisi savadlı mütəxəssisdi. Onları fərqləndirə bilmərəm. Mutudan çox şey öyrənmişəm. Hazırkı baş məşqçimizdən də faydalanıram. Qısası hər iki məşqçidən öyrənilməli çox şey var.
- Yayda səni başqa klubda görə bilərik?
- Burda hər şey məni qane edir. Hələlik heç yerə getmək fikirim yoxdu. "Neftçi"də xoşbəxtəm.
ABDULLA İSMAYILOĞLU
