"Bütün komandadan razıyam".
Bunu İdman.bizə minifutbol üzrə Azərbaycan yığmasının baş məşqçisi Elşad Quliyev deyib.
Təcrübəli mütəxəssis Avropa çempionatının ilk oyununda Belçika üzərində qazanılan 3:0 hesablı qələbəni şərh edib. O bildirib ki, ilk dəqiqələrdə komandanın ehtiyatlı oyunu ev tapşırığı olub: "Oyun ağır keçdi. Rəqibi tanımırdıq. Tapşırıq vermişdim ki, gözləyək və rəqibin güclü və zəif tərəflərini müşahidə edək. Məhz buna uyğun dəyişikliklər etdik. Bu səbəbdən də hesabı hissənin son dəqiqələrində aça bildik. Oyundan oyuna komanda daha yaxşı performans nümayiş etdirəcək".
Qeyd edək ki, Bosniya və Herseqovinada keçirilən çempionatda millimiz F qrupinda yer alıb. Komandamız sabah İtaliya, iyunun 4-də isə Fransa yığması ilə qarşılaşacaq.
Emin Ağa
İdman.biz