Sport24.az
Dünən baş tutan "Turan Tovuz" – "Kəpəz" (1:0) matçından sonra meydan sahiblərinin İdarə Heyətinin sədri Ehtiram Qulieyev Sport24.az-ın əməkdaşının suallarını cavablandırıb.
- Ehtiram müəllim, mövsüm bitdi. "Turan Tovuz"un çıxışını necə qiymətləndirirsiz?
- Çox maraqlı, gərgin idman mübarizəsi şəraitində keçən çempionat izlədik. "Turan Tovuz" camiəsi üçün yaxşı təcrübə oldu. Gələn "futbol ili"ndə də daha güclü, rəqabətli çempionatın olmasını arzulayıram.
- Baş məşqçinin işindən razısız?
- Ayxan Abbasovdan məşqçi kimi razıyıq. Komanda onun rəhbərliyi altında qarşıya qoyulan məqsədə çatdı.
- Gələn mövsümdə hədəfiniz nə olacaq?
- Biz bəlli yola çıxmışıq. İnfrastrukturumuzu qurub, inkişaf etdirə-etdirə artıq daha yüksək yerlər uğrunda mübarizə aparacağıq. Gələn il artıq hədəf avrokuboklar olacaq.
- Klub üçün yeni baza, akademiya binası tikməyi planlaşdırırsız. Bu yöndə işlər necədi?
- Yeni bazayla bağlı hələlik layihələndirmə mərhələsindəyik. Amma akademiyamızda nəhayət ki, qanunvericiliyin tələblərinə uyğun olan bütün prossesləri uğurla həyata keçirdik. Odur ki, bazamızla bağlı tikinti işləri sürətlənəcək. Bundan başqa stadionumuzda işıq dirəklərinin yenidən qurulması yönündə iş gedir. Həmçinin təbii ot örtüyünə keçidlə bağlı çalışmalara da start vermişik. Bu məsələylə bağlı AFFA-ya da müraciət etmişik. Onlarla birgə bu işi həyata keçirmək istəyirik. Çünki tək öz büdcəmizlə və ya ancaq asossiasiyanın dəstəyi ilə həll olunan məsələ deyil. Əlbəttə ki, təbii qazona keçid vaxt aparan və çox vəsait tələb edən işdi. Odur ki, AFFA ilə birgə bunun öhtəsindən gələcəyimizi düşünürəm.
ABDULLA İSMAYILOĞLU
