Sport24.az
Cənubi Amerika Futbol Konfederasiyasının prezidenti Alexandro Domingez Argentina və İspaniya arasında keçirilməsi planlaşdırılan Finalissima matçının ləğvindən sonra avropalıları tənqid etdi. Sport24.az xəbər verir ki, o, məsələ haqda bu cür danışıb: "Rəqibin meydana çıxmaması və məğlubiyyəti tətbiq olunsaydı, Argentina ikiqat Finalissima çempionu olmalı idi (komanda əvvəllər kuboku 2022-ci ildə qazanmışdı). İkiqat çempionun kim olduğunu bilirsiniz? Bu bizik, çünki onlar oyuna gəlmədilər".
Daha əvvəl həlledici görüşün martın 27-də Qətərdə keçirilməsi planlaşdırılırdı. Lakin Yaxın Şərqdə artan münaqişə səbəbindən oyun əvvəlcə təxirə salındı, lakin tərəflər yeni məkan barədə razılığa gələ bilmədilər. İspaniya oyunu Madriddə keçirməyi təklif etdi, daha sonra iki oyun variantı: biri İspaniya, digəri Argentinada keçirilməsi müzakirə edildi. Son təklif isə oyunu Romada keçirmək idi. Amma İspaniya tərəfi argentinalıların bu təklifini də geri çevirib.
