Sport24.az
Xorvatiyanın "Dinamo" komandasının sabiq baş məşqçisi Nenad Belitsa "Qarabağ"da əsas komandadan kənarlaşdırılan Sami Mmmae ilə bağlı sərt açıqlamalar verib. Sport24.az xəbər verir ki, ölkəsinin mətbuatına danışan xorvart mütəxəssis 2024-cü ilin noyabrında mərakeşli müdafiəçinin komandadan qovulduğunu xatırladıb.
Belitsa Zaqreb təmsilçisinin isə oyunçunu dəstəklədiyini söyləyib:
"Mən cəza gözləyirdim. Amma olmadı. Onlar iyerarxiyanı pozdular. Yazda baş verənlər isə bu qərarın nəticəsi idi. Növbəti dəfə məşqçini təhqir etdi, barmağını ona tuşladı. Əgər Mmae bunu edə bilirsə, deməli digərləri də edər. Söhbət Messi və Ronaldodan yox, "Ferentsvaroş"un ehtiyat oyunçusundan gedir. O, "Dinamo"ya zərər verdi. Əgər mənə desəydilər ki, beşqat müqavilə var, sadəcə Mmaeni geri qaytar, mən "yox" deyərdim".
Qeyd edək ki, "Qarabağ"ın baş məşqçisi Qurban Qurbanov fevralın 23-də Mmaenin intizam qaydalarını pozduğu üçün əvəzedici heyətə göndərildiyini açıqlayıb. Müdafiəçi mövsümün əvvəlində "Dinamo"dan icarəyə götürülüb.
