Sport24.az
Türkiyə millisinin heyətində daha bir itki baş verib. Sport24.az xəbər verir ki, Enes Ünal sıradan çıxıb. Bu barədə Türkiyə Futbol Federasiyasının mətbuat xidməti məlumat yayıb.
"Bornmut"un hücumçusunun ayaq barmağında sınıq aşkarlanıb. Onun Avro-2024-də iştirak edə bilməyəcəyi məlum olduğu üçün heyətdən çıxarılıb.
Bir müddət əvvəl müdafiəçi Çağlar Söyüncünün də zədə səbəbindən turnirdə komandasına kömək edə bilməyəcəyi xəbəri yayılmışdı.
Qeyd edək ki, Türkiyə yığması Avro-2024-də Portuqaliya, Çexiya və Gürcüstanla eyni qrupda mübarizə aparacaq.
