Sport24.az
"Qəbələ"nin futbolçusu Əyyub Allaş klubla vidalaşıb. Sport24.az xəbər verir ki, mərakeşli futbolçu sosial şəbəkə hesabında paylaşım edib.
O, klubda çalışan hər kəsə təşəkkürünü bildirib:
"Salam, "Qəbələ". Öncə mənə dəstək olan hər kəsə, kluba, məşqçilər heyətinə, azarkeşlərə təşəkkür edirəm. Mən hər zaman məşqlərdə və oyunlarda əlimdən gələnin ən yaxşısını edirdim. Son olaraq hər kəsə uğurlar arzulayıram".
Qeyd edək ki, belçikalı legioner 2023-cü ilin yanvarından "Qəbələ"də çıxış edirdi. 26 yaşlı futbolçu bu mövsüm "qırmızı-qaralar"ın heyətində meydana çıxdığı 40 matçda 7 qol və 10 məhsuldar ötürmə ilə yadda qalıb.
