Sport24.az
"Sabah"ın əsas komandasının müdafiəçisi Con İrasabal klubun akademiyasının qızlardan ibarət U-13 komandası ilə görüşüb. Sport24.az xəbər verir ki, bu barədə klubun mətbuat xidməti məlumat yayıb.
İspaniyalı futbolçu komandanın üzvləri ilə görüşdə onlara öz məsləhətlərini verib, azyaşlı futbolçular üçün maraqlı olan sualları cavablandırıb. Daha sonra U-13 komandasına hədiyyələr təqdim edilib.
Qeyd edək ki, "Sabah"ın qızlardan ibarət U-13 komandası bu mövsümdə ilk dəfə çempionatda iştirak edir.
