Idman.biz
Məğlubiyyət tamamilə gözlənilən idi. Rəqib hər halda "Liverpul" idi. Əsas odur ki, pley-offa 22-ci yerdə vəsiqə qazandıq. Püşkatma 30 yanvarda olacaq. Deyəsən, ya PSJ, ya da "Nyukasl"la qarşılaşacağıq. Əgər hansısa möcüzə ilə qalib gəlsək, "Barselona" və ya tanış "Çelsi" növbəyi rəqibimiz olacaq.
Hər halda, real olaraq, əvvəldən birbaşa 1/8 finala çıxa bilməyəcəyimiz aydın idi.
Başqa nəyi qeyd etmək olar? "Benfika"nın son saniyələrdə möcüzə edərək "Real Madrid"i məğlub etməsi və 24-cü yerə yüksəlməsi. "Benfika"nın dördüncü qolu olmasaydı, "Marsel" 24-cü ola bilərdi. Amma "Benfika" qol vurdu və bunu qapıçı Trubin bacardı!
Yeri gəlmişkən, "Qarabağ"ın qrup mərhələsindəki səkkiz rəqibindən beşi ("Kopenhagen", "Atletik Bilbao", "Ayntraxt Frankfurt", "Ayaks" və "Napoli") turnirdən kənarlaşdırıldı, "Benfika" pley-offa yüksəldi və yalnız "Çelsi" və "Liverpul" birbaşa 1/8 finala vəsiqə qazandılar.
Qeyd etmək lazımdır ki, ingilis klubları böyük ajiotaj yaratdılar - turnir cədvəlində ilk səkkiz klubdan beşi ("Arsenal", "Liverpul", "Tottenhem", "Çelsi" və "Mançester Siti") ingilislərdir. Yalnız "Nyukasl" pley-offa vəsiqə qazanıb, yuxarıda adı çəkilən komandalar isə birbaşa 1/8 finala yüksəlib.
Bu arada, "Qarabağ" pley-offda "Real Madrid", PSJ, "Atletiko", "Yuventus" və "İnter"lə birlikdə oynayacaq... buna görə də maraqlı olacaq. Əyləncəli və həyəcanlı...
Həmid Həmidov
